ديوان الشاعر عبد الله بن سعود

نشف ريق التعب يركض وراء خطواتك العجله.
. دعاه الشوق من يمك وتاهـت بـي مشاويـره

دعاه الشوق من نظره فزع هالحيـن انهجلـه..
.. وراح العمر ينشد عنك من ديره الـى ديـره

سبب كل العنا والشوق مـن نظراتـك الخجلـه
لا اجل حبك يزين الشعر تحلا لـي تصاويـره

تسوقه خطوة الأشواق خطواتـه تجـي وجلـه.
تسولف بك دروب الحب طال الـدرب والسيـره

روى قصـة غـرام ٍ للقوافـي كلهـا لاجلـه.
.. نثرها فوق صدر الطرس الأبيض ما لقا غيره

يا كوده يحفظ الأسرار من همـه يفـرج لـه..
..مدام إن الصدور تضيق.. وتفضح دون تبريره

تعب حب صدوق ما ثنـى ساقـه ولا رجلـه..
.على شانه .قطـع بيـد العنـا بيـده وتدبيـره

يمر اليوم بعد اليوم مـا جـاء علـم يبهـج لـه
على حد الأمـل واقـف ولا لاحـت تباشيـره

تعزوى في بني عمه خيول السبـق تسـرج لـه
.وكل علم ٍ يجيه يزيـد فيـه الشـك والحيـره

مياه النيل ما تروي عطش عمر ونهـر دجلـه.
.خسارة رحلتي طالـت ألا يـا جعلهـا خيـره

نشف ريق التعب يركض وراء خطواتك العجله.
. دعاه الشوق من يمك وتاهـت بـي مشاويـره

حسبي عليك حساب أمشـي بـلا قلـب

قلـب ٍ خذيتـه لـو تفـضـل تــرده

وهقتنـي فـي عالـم الغـي والـحـب

وما شفـت منـك إلا قطيعـه وصـده

إن جيت يمك قلـت لا تامـن الـدرب

الـنـاس واجــد للفـتـن مستـعـده

وإن رحت ما جانـي رسالـة ولا نـب

حطمت قلبـي يـا غـلا تكـف هـده

أصبحت أنا المحروم وأصبحت بك صب

وأنـت تعيـش بعالـم لــك تــوده

حققت لـك فـي دنيتـك كـل مطلـب

و أهديـت لـك كـل الغـلا والمـوده

يا كيف ما عندك لمغليـك مـن طـب

يـا كيـف قلبـي للمصايـب تـحـده

من نبع حبـي لـك زمانيـن تشـرب

تـارد علـى كيفـك ويرويـك عـده

تروى ضمى وجدك وتسـرح وتلعـب

بقلـب منهـو كـل مافـيـك شــده

وانـا أتصبـر وأحـتـرق وأتـعـذب

جفاك يذبـح صمـت الأشـواق حـده

مـا باقـي إلا تشتعـل بيننـا حـرب

وأهـزم جيـوش عنـادك المستـبـده

وأرسل من الأشواق والوجد لك سـرب

يا كود حصـن فـي ضميـرك تهـده

واليـوم أنـا والفكـر والقلـب نتعـب

مغليك مـن طـول العنـا بـاح سـده

يالطريق اللي تمـرك تـرى حظـك كببـر

يا كبر حظـك ويـا كبـر حـظ المدرسـه

ويا كبر حظ المديـره ويـا حـظ الوزيـر

خطوا اسمـك بـا لـوزاره بفـن وهندسـه

يا صباح الخيـر لا مـن تلـوت بالسريـر

مـن دلعهـا والطفـش كـل شـي تعفسـه

أذكـر الله يـا نهـار علـى الغرفـه تنيـر

الجبيـن اللـي ينافسـك ربـي يحـرسـه

ينتظرك الماء على شوق يـا لخـد الحريـر

ويا سعـادة صبـح مريولـك اللـي تلبسـه

لا أشرت بالصبع يمينه ولا حضـرة أميـر

أصبـع فيـه الحـلاوه وفيـه الغطـرسـه

شفتها في صبحهـا آه يـا صبـح العبيـر

دق ناقوس الهوي فـي ضميـري وجرسـه

زولها اللي يشلـخ القلـب لا قامـت تسيـر

من غنجهـا تربـة الأرض يـا لله تلمسـه

واقف ٍ في مفرق الـدرب وقفـات الخفيـر

صـادر إيعـاز مـن ريـس ٍ مـا انجسـه

صاروضعي صعب والصوت مخراجه عسير

صرت مثل اللـي يشاهـق ومكتـوم نفسـه

قلت اببـداء بالتحيـه علـى بالـي خبيـر

ما اجمّع....... ما اجمّع وهرجـي اعكسـه

الصباح أصبح مساء والطويل أصبح قصير

يا صباح الليل...... والهرج.. كلـه دنفسـه

ليت من يبحث معك حـق تقريـر المصيـر

حبـك اللـي شـل فكـري ومـره يلحسـه

افهمي ..لعبك وشغلـك بقلبـي مـا يصيـر

والعـواذل فعلهـم جعـل ربـي يكنـسـه

قالها قبلـي وأنـا أقـول حكمـة شكسبيـر

يا نكون أو القضـاء نطلبـه فـي مجلسـه

نا ندور حـل للـي حصـل أمـره خطيـر

صابنـي منكـم تشنـج ونوبـة هلـوسـه

يا اتفاق الحـل والشـور دايـم فيـه خيـر

أو نفـوز بموعـد الحـل وأحـد ٍ يدرسـه

وسط قلبي لـك ملفـات وكـراس تحضيـر

والصـور بكـل ركـن وزوايـا مدبـسـه

كل حب ٍ غيـر حبـك يـا جعلـه يطيـر

واطلب الله طول ليلـي عسـى الله يطمسـه

شارب ٍ حبك مثل شرب كوكتيـل العصيـر

شغلـة الشامـي ولا هيـب شغلـة بربسـه

وسط مكنون الحشاء مـا ينافسـك الخشيـر

والضماير لك دفاتر... وفصل ....ومدرسـه

يا سعد كاس ترتشف مـاه بشفـاكوتضم بكفوف الدفـاء بـرد كاسـك

ويا سعد بيت ٍ ضمك بحب وأعطاكحنان من كعبـك إلـى حـد رأسـك

ويا سعد من حيا صباحـك ومسّـاكويا سعد جيرانـك واهلـك وناسـك

ويا سعد وقت ٍ طاوعك جاك برضاكويا سعد فستان يجـي لـك مقاسـك

تعبت بنات الجيل تأصـل حلايـاك.وانا تعبـت آصلـك ياقـو باسـك

ترجف ضلوع الشوق لا حل طرياكوشلون ما دري كيف أروض مراسك

يا نعنبو قلب ٍ علـى البعـد ينسـاكوأنـا بمحـراب المحبيـن نـاسـك

اصرخ احبك أعشقك حيـل وهـواكما حركت ما قلـت نخـوة حماسـك

ما غير تهدم صرح حبـك بيمنـاكفي معول عنادك وصـدك وفاسـك

وأنـا بسجـات الأمانـي برجـواكبأهداب من حبل المواصيـل ماسـك

دلال شوقي فـوق جمـري تحـراكفنجال هيلـه كـود يجلـي عماسـك

ابا تمنـى لحظـة العطـف تنخـاكفي غفلـة تطـري إذا عـن يأسـك

لعل ترحم من علـى النـاس بـداكقبل غرور الوقـت لا يهـد ساسـك

الشاعر / عبدالله بن سعود