(( ديــوان الشـــاعر ... ابن عمـــــار ))

بسم الله الرحمن الرحيم
السلام عليكم ورحمة الله وبركاته

حرف .. غني بـ روعه .. اطربنا
وامتعنا كثيراً .. هنا ستكتب جميع ماباح به قلمه
شاعرنا ( ابن عمــــار )

:
:

.
,
.
,
.
,
.
,
,
.

doPoem(0)

البارحه هلّت من العين .. دمعـات

سبّة فراق اللّي على النفس مشقيـن

سهرت ليل ٍ بالشقـا.. والمعانـات

من لوعتن..وسط الحشا..يا محبين

على الذي عليهم القلـب مـا بـات

ويونّ ونّات ٍ على الشوق ..سَهرين

شوقي على ذيك الليالي ..المريفات

يارب تجمعنا..على الـود عجليـن

وقت ٍ مضى فيه السعـادة مسـرّات

مع ربعي اللـي للشدايـد شديديـن

في ديرة ٍ يِكتب .. لاهلها سجـلاّت

أهل الكرم والجود واهل .. الميادين

واهل النقا واهل العلوم .. المجيدات

تشهد لهم في نجد روس..المعاديـن

واهل السخا والطيب واهل العطيّات

واهل الدلال اللي على النار مركين

ياسدير سبب لي وداعك مصيبـات

يوم الوداع اللي .. يصيب المحبيـن

لاشك ابصبر من شقا الروح والذات

والصبر مفتاح الفرج لو بعد حيـن

يالله يا للي من عطايـاك جـزلات

ما غيرك اللي من عطاياه جزليـن

يا فارج الضيقات وقت المصيبـات

يا عالم ٍٍ ما بالسريرات .. مخفيـن

أدعي عظيم ٍ واتحـرّى الإجابـات

وارجي كريم ٍ..كلنا فيـه راجيـن

يجمع بنا مع رفقة العمـر جمعـات

والوصل يبقى .. بيننا..دوم ٍ متيـن

واختم جواب القلب من جزل الأبيات

على .. نبي ٍ.. وضّح الدرب للعين

الهادي .. اللي قادنا ... للهدايـات

صلات ربي .. عِدة أيـام وسنيـن

واعـداد همّـال المزون..المهـلاّت

على نبي ٍ ثبت الله ... بـه الديـن

:
: